هالأيام حلمي صاير انو يخترعو العلماء والمبتكرين شي جهاز هيك بيتوصل بالدماغ وبيسجل الأفكار.. ويكون هيك صغير ولا مرئي
مشان لما الواحد بتجيه شي 50 فكرة بذات الوقت.. ويجي بدو يسجلون.. وما يلحق يحط منون الا كم واحدة وينسى البقيانين.. يعني مشان ما يصير معو شوية احباط
هلأ الواحد لما بتجيه موجة الأفكار.. بتنقسم الأفكار لأفكار سوبر ظريفة، وافكار ظريفة، وافكار بلا طعمة متل قلتها
والشي السئيل يللي بيصير انو الواحد ما بيلحق يسجل الا الافكار اللي ظريفة او يللي بلا طعمة.. والسوبر ظريفة بتحلق بعيدا.. وبتحاول تعزمها مية عزيمة لترجع تستقر بمخك.. بس مافي فايدة
الأسئل والأغلظ من هيك، انو هيك موجات ما بتجي الا بأوقات حشكة كتير.. متل لما بيكون الواحد عم يتحمم او واقف عم يصللي او عم يعمل شغلة بستحي احكي شو هيه مثلا
انو شلون ممكن بهاللحظة يقدر الواحد يسجل أفكارو وهو مالو فاضي؟
او على الأقل يسلسلها مثلا؟
انشالله بيخترعولنا هالاختراع.. اهم شي مشان نرتاح من سآلة الأفكار و موجات الأفكار
6 comments:
ino how about you use your i-mate jam for that purpose mathalan?
يا سلام
بس لازم يكون هدا الجهاز ضد المي مشان ما ينتزع بالحمام
و ضد ساعات الزحمة لأنو الواحد بيطير مخو فيهون
Ihsan> :D
لك كان بالتصليح والله ستر.. عم استعملو بالمناسبات مشان ما يرجع ينتزع
بس انو الفكرة لما الواحد بتجيه هالموجة، لا جاز جام ولا عشرة متلو بيخللو الواحد يلحق يسجل شو عم يجي ببالو
gray fox>
والله مزبوط بالنسبة للمي
مشان الزحمة.. في ناس ما بتجيها الأفكار النيرة الا بالزحمة.. ولما بتجي بدها تسجل، بيمشي الطريق.. وبتطير الأفكار معها
انا بقول احسن شي يعملولها متل حساس.. انو تتسجل الفكرة بحسب اهميتها وحسب النفسية والظروف المحيطة
:D
لازم تلغي كل الافكار وتركزي على الفكرة سوبر ظريفة وضلك عم تركزي فيها و طوريها حتى تخلصي من يلي بأيدك و تقدري تكتبيها ..
عصفور باليد احسن من عشرة على الشجرة !!
lord.M.M.>
مزبوط.. بس انا علتي انو ما بعرف الافكار السوبر منيحة من المنيحة من اللي بلاطعمة لحطون على الورق وشوفهون قدامي.. وهنن براسي ما بقدر ميز المنيحة من المو منيحة
لما بحطهون قدامي بتطمن انون كللون موجودين، وبصير بعمل استفاضة لكل فكرة لحالها وساعتها بكتشف انو السوبر منيحة وانو المنيحة وانو اللي بلاطعمة
يعني ممكن من هالرد تكتشف انو هالبنت يللي انت عم تقرالها شي مصروعة كتير.. بس مافي مشكلة
:)
Post a Comment