مراهقة

في شغلة سخيفة كتير بتصير معي لما اطلع الخميس المسا او يوم السبت (الويك اند) بس انا بنرجسيتي الخاصة بحسا حلوة

بحب لما بكون عم سوق لحالي بشارع داخلي رايح جاية، لما يمرق من ناحي مراهق سارق سيارة اهلو، وبيصير يدبللي بعيونو مفتكرني مراهقة وسارقة سيارة اهلي متل حكايتو

كل مرة بتصير معي بيجي ببالي اضحك وقول، لك انا قد امك روح العاب مع رفقاتك دادا
بس ببلع الضحكة.. وبسكت... انو شايفنني العالم اصغر بعشر سنين.. شوبدي احسن من هيك؟؟