يا ظريف الطول وقف تاقوللك

يا ظريف الطول وقف تا قوللك
رايح عالغربة بلادك احسنلك
خايف يا ابن العم تروح وتتملك
وتستحظي بالغير وتنساني انا

بصراحة.. بعمري ما كرهت غربتي قد ما انا بكرهها هلأ

يا ريتني كنت ولدانة و عايشة ودارسة بالشام، كنت تعلمت على حربقة بناتها، وكنت اتعلمت من قسوتها كيف دبر اموري

انته يللي حببتني بالشام وانا يللي ما كنت طيق اقعد الشهرين فيها

كنت شفتك من اول ما رجعت عالبلاد

وكنت قدرت قضي معك وقت اطول.. الوقت بدال اللي ضاع بين تليفونات خارجية ومسجات.. الوقت اللي ضاع بين الحكي الكتير يللي كنت احكيه.. يللي كنت تسمعو وما تقتنع فيه

كنا ماضطرينا نستنا الوقت ليحللنا مشكلتنا ونترك امورنا عالبركة.. ويا بتصيب يا بتخيب


يا ريت ويا ريت

وكلمة يا ريت بعمرها ما عمرت بيت