اليوم بابيتو رجع من السفر
فاليوم الصبح هيك وأنا عم اشرب القهوة، تذكرت شغلة صارت معي لما نزلت عالشام من دبي
وصلت الطيارة عالشام، طبعا مفللة، وكلها سوريين من أهل بلادي العتيدين... وأهل دبي.. وما ادراك ما اهل دبي
المهم، وقفة الجوازات أخدتلا شي ساعة متل العادة.. ما بعرف ليش، مع انو في تنين موظفين قاعدين على كل شباك، وعندون كومبييوتر والمفروض الشغل يتم بسرعة.. بس اعدم حالي اذا شي مرة كانت وقفتي على هالشباك سريعة
بعد الانتظار، وتكسر الرجلين بسبب السكربينة العالية (يعني جاية شوف بيت جدي يللي صرلي سنة ما شفتون، المفروض كون أنيقة) وصلت عالشباك وصار دوري
الضابط: أهلا أهلا الحمدلله عالسلامة.. منين جاية
أنا: من دبي
الضابط: ايه اهلين اهلين
وصار يقلب بصفحات الجواز
بعدين قللو للضابط يللي معو... شوف بالله شوف.. فيزا من الجامعة الأمريكية
قللو.. لك ايييه شوووف.. فيزتييين بالخليج.. وأريضة
انا صرت مدري كيف.. وما عرفت شو قول.. ركبت على وشي ابتسامة صفرا مشان اطلع من هالموقف البايخ يللي انحطيت فيه غصبن عني وما صدقت الا لما قالولي "الله معك" مشان اخلص.. و بعدت عنون وانا عم اقرا المعوذات خفت لا يكونو طرقوني عين
شو اول استقبال.. بيشهي.. الله لا يدوقا لحدا
6 comments:
Lak ya 3amme jama3et dubai ma7soodeen....
They live in heaven... where every one wants to go and live..
Ba3deen 2 Gulf Visas.... and a pretty girl ...well dressed...
Come on give the poor guys a break..:))
Oh Am sorry... where is my manners..
7amdellah 3a salamet elwaled..
Allah ysalmak ya Sam! and thank you for your sweet compliment :)
well about Dubai.. its not really the best place to live in.. inno right now im so glad im out of there!
but its all good!
الظاهر إني ما بفهم شي بالسفر ولا بالجوازات، لأنو ما فهمت شي...شو يعني؟
على كل، تمت اضافة مدونتك، طبعاً بعد اللف والدوران على نظام الحجب.
أنت الآن تحت المراقبة 24/7
__________
كترينا التدوينات بالعربي، لأنو بالعربي أحلى
اهلييين علووش
ايه الفكرة انو انا مغتربة بالخليج.. ولدانة وعايشة حياتي بالكويت.. وبعدين رحت درست بدبي بالجامعة الأمريكية.. ومكتوب هالشي بالفيزا
فمرة كنت نازلة عالشام من دبي.. ودائما على شباك ختم الجوازات الموظفين كتير بيكونو حبابين
اهو دا اللي جرى
ميرسي كتير على الاضافة.. واهلا وسهلا فيك
:)
Post a Comment